Chillida Lekurekin lankidetzan, hainbat esku-hartze artistiko sortuko ditugu deialdi ireki baten bitartez. Basa-faunaren babesleku gisa eta biodibertsitatearen balioa transmititzeko tresna sinboliko gisa jardungo dutenak. Artistek zientzialariekin lankidetzan diseinatuta, espazio publikoa artea eta natura uztartzen dituen arte biziaren museo bihurtuko dute esku-hartze horiek.
BiArteko Mugi
Hiriko biodibertsitatea herritarrei hurbildu nahi dien eko-gizartearen erronka
Hiri bizia · Hiri bizia · Hiri bizia · Hiri bizia · Hiri bizia ·
Gero eta hiritartuagoa dagoen munduan, pertsonek naturarekiko bizi duten deskonexio emozional zein ekologikoa erantzuteko beharretik sortu da Biarteko Mugi egitasmoa.
Hirigunea historia naturaleko gela bizi bihurtzea bilatzen dugu, zientzia, artea eta herritarren parte-hartzea uztartuz, gure hiriak bizi zein ulertzeko dugun modua eraldatuz.
Zer lortu nahi dugu
Biarteko Mugirekin?
Hiriko biodibertsitatea behatu eta zein naturarekin erlazionatzeko dugun modua eraldatu nahi dugu, biodibertsitatea kontserbatzeko nahia sustatu nahi dugu lotura emozional zein nortasun partekatua baliatuz. Gainera, natura guregandik gertu badagoela erakutsi nahi dugu, egunerokotasunean, xehetasun txiki eta oharkabean pasatzen diren espezieetan, ingurunearekin harreman liluragarriak ezkutatzen dituzten, eta gure arreta eta zaintza merezi duten bizidunak.
Nola egingo dugu?
Hunkitzen eta sakontzen duten istorioak kontatuz
Biarteko Mugik hiri-ingurunearen aldeko apustua egin du, biodibertsitatea sakonago erakusteko eta ulertzeko leku paregabea baita. Hiriguneak ikaskuntza-, emozio- eta esplorazio-ingurune gisa baliatu nahi dugu. Espezieak erakutsi baino gehiago, harremanak, aldaketak, ekologia eta eboluzioa erakutsi nahi ditugu ibilbide, kontakizun edota bideoak erabiliz.
Inork ikusten ez dituen espezieak ikusaraziz
Gure kale zein parkeetan bizi, baina oharkabean igarotzen edota gutxiesten diren animali eta landareei protagonismo handiagoa eman nahi diegu; espezie minorizatu deitzen ditugunei.
Mugituz naturarekin bat eginez
Mugikortasun aktiboa baliatzen dugu – oinez edo trizikloetan, mugikortasun murriztua duten pertsonek – ikerketa egin eta inguratzen gaituen ingurune naturalarekin lotura emozionala lortzeko. Mugitzea ez da berez helburu bat bakarrik, dibulgazio-tresna bat da. Gainera, erakutsi nahi dugu ez dela beharrezkoa hiritik irtetea naturaz gozatzeko eta ikasteko: Km 0 biodibertsitatea egon badago.
Hirugarren kultura
Zientzien eta humanitateen arteko haustura historikoa gainditu nahi dugu, artea elementu pizgarri emozional gisa baliatuz, pentsakera irekia eta enpatia sortuz, zientziaz gain, zorroztasun zein analisia gehitzen baititu. Apaingarri izatetik urrun, Biarteko Mugin arteak atmosfera eta tresna gisa jokatzen du: aurretiko jarrera sortzen du eta ideia desberdinak konektatzeko metaforak eskaintzen ditu.
Teknologia eta biodibertsitatea konektatuz
Teknologiaz egiten dugun erabilerari buelta bat eman nahi diogu. Naturatik edo bizitza aktibotik urrundu beharrean, biodibertsitatea eskuragarriagoa egin diezagun, normalean ikusten ez duguna agerian utziz eta naturan zehar egiten ditugun ibilaldiak lagunduta motibagarriagoak eginez. Teknologia lupa hiztun sofistikatu bat izan daiteke.
Ahots guztiak entzunez
Herritarrek parte hartzeko gune irekiak sortuko ditugu, edozeinek ekarpenak egin ditzan. Pertsona guztiak barne sentitzea nahi dugu, arreta berezia dibertsitate funtzional zein genero-ikuspegian ezarriz. Gainera, naturarekin ezartzen ditugun loturak aztertu eta ulertu nahi ditugu, ezagutzatik eta egokitze-estrategien hobekuntzatik.
Muturreko egokitzapenak
hiriko girora
Proiektuko ekintzak
1.
Oinezko interpretazio-ibilbideak
Donostiako hiri-ibilbideak diseinatzen ditugu, hiriko biodibertsitatearen elementu txikiak harilkatzen dituztenak, gertaera ekologiko zein ebolutiboak irute eta aurkitzeko. Ibilbide bakoitzak, bere gaiarekin, kapituluz kapitulu banatutako dokumental gisa funtzionatzen du, seinaleztapenaren eta QR kodeen bidez in situ eskura daitezkeenak.
Bizikletaz Adinik Ez elkartearen eskutik, aurreko ibilbideetako batzuk mugikortasun urriko pertsonentzat egokituta garatuko ditugu, pertsona guztiek biodibertsitatearen ezagutzaz gozatu ahal izatea bermatuz. Ibilaldi bakoitzak eduki sentsorialak eta irisgarriak izango ditu, hiri-izaeraren inklusioa eta gozamen kolektiboa sustatuz.
2.
Triziklo bidezko ibilbide irisgarriak
3.
Esku-hartze artistikoak:
Urban Fauna Resort
Gainera, Donostiako Udalarekin lankidetzan, hiri-habitatak hobetzeko eta lehengoratzeko ekintzak proposatu eta gauzatuko ditugu: putzuen naturalizazioa, animalia txikientzako babeslekuen sorrera eta ezarpena, landaredi-uharte autoktonoak sortzea betiere naturan oinarritutako irtenbideak aintzat hartuz. Ekintza horiek konektibitate ekologikoa indartuko dute, hiriaren ingurumen-osasuna hobetuko dute eta gure hiriak inbasio biologikoekiko edo zoonosiekiko immuneago bihurtuko dituzte.
4.
Hirietako leheneratze ekologikoa
5.
Aplikazio mugikorra eta errealitate areagotua
Ibilbideetan laguntzaile birtual gisa funtzionatuko duen app bat garatuko dugu, errealitate areagotuan oinarritu eta tokiko espezieen biki digitalekin. Behatzeko zailak diren espezieak ikusteko aukera emango du, eta ikaskuntza-esperientzia aberastuko duten ikus-entzunezko edukiak eta eduki ludikoak eskainiko ditu, bide naturalez gozatzeko dugun gaitasuna hedatuz.
Gure ustez, beharrezkoa da eztabaidarako eta sorkuntzarako bateratutako guneak aktibatzea, herritarrak proiektuaren parte aktibo izan daitezen: inkesta digitalak, deliberazio tailerrak, hackathone-ak eta herritarren zientzia. Ikuspegi horren bidez, hobeto ulertu nahi dugu herritarrek biodibertsitatearekin duten harremana, gure estrategia egokitzeko eta proiektuaren jabetze soziala sustatzeko.
6.
Herritarrek parte hartzeko estrategiak
Nortzuk ari gara proiektua aurrera eramaten?
Biarteko Mugi erronka ekosoziala, elkarren osagarri diren eta alderdien batuketa soila baino gehiago den alor anitzeko erakundeen baturatik, emaitza berritzaileak lortu nahi dituen sortutako ekimena da. Aranzadi Zientzia Elkartea da aliantzaren zuzendaria, erronka ekosoziala gidatzen du eta osagai zientifikoak emanaz. Chillida Leku proiektuaren komisariotza artistikoaren zuzendaria da, Bizikletaz Adinik Ez – En Bici Sin Edad erakundeak proiektuaren alderdi sozial zein inklusiboaren alorrak gidatzen ditu, eta Ikasplay S.L. garapen teknologikoaz arduratzen da. Erakunde aliatuez gain, Biarteko Mugi egitasmoak Tipi Gara eta Osoigo Next erakundeak ditu herritarren partaidetza eta erraztasunerako jarduerak garatzeko, Oh! Brother Studio ikus-entzunezko ekoizpenaz arduratzen da eta Tempografix bere irudi korporatiboa eta webgunea sortzeko. Azkenik, aliantzak Donostiako Udalaren eta Euskal Herriko Unibertsitatearen lankidetza du.
Proiektuak hartzen dituen erakunde guztietako adituak eta inplikatutako gainerako alderdietan espezializatutako profesionalak dituen lantalde zabala, ondorengo pertsonek gidatzen dute:
Biarteko Mugi egitasmoa Kutxa Fundazioa finantzatuta dago, era berean Gipuzkoako Foru Aldundiaren eta Donostiako Udalaren aldi bereko finantzaketa dauka. Erakunde guzti hauen laguntzari esker, Biarteko Mugi martxan jarri da, ikuspegi zein pertsonak batuz hiriei natura itzultzeko, gure kultura ekologikoa eraldatuz eta baita ere gure konpromiso ekologista.
